FISTERRAS ATLÁNTICAS/FINISTERRES ATLÁNTICOS/ATLANTIC FINISTERRES

Autores: Antonio Raúl de Toro e José Miguel Alonso Giráldez
15 por 23 cm., con lapelas, 252 páxinas, fotografías interiores en cor.
PVP 18’90 EUROS
ISBN: 978-84-122253-5-8

Esta antoloxía naceu, nomeadamente, dalgunhas viaxes que realizamos ao sur e ao oeste de Irlanda, sobre todo na última década. O interese pola poesía irlandesa, sen dúbida unha das mellores do mundo, permitiunos atopar puntos de contacto coa poesía galega contemporánea, que tamén vive un momento álxido […]

A relación entre Irlanda e Galicia vén de lonxe, como é ben coñecido. Tan lonxe, polo menos, como o demostra a Canción de Amergin, e a Invocación a Irlanda, poemas fundacionais da cultura irlandesa, que explican dalgunha maneira a importancia das expedicións marítimas e dos primitivos contactos entre os pobos costeiros, a verdadeira orixe da civilización. Hai algo poderosamente emotivo no feito de que o primeiro contacto ente Galicia e Irlanda se base na lenda de Amergin, na viaxe do druída, guerreiro e poeta dos milesios, partindo desde o que hoxe son as costas da Coruña, até a baía de Waterville, en Kerry, onde se presume que chegou Amergin para iniciar a invasión de Irlanda.