Begoña Graña Suárez, nada na Coruña, é doutora en Medicina e especialista en Oncoloxía Médica, formación que realizou a través da vía MIR. Actualmente exerce como facultativa na rede de hospitais públicos do Servizo Galego de Saúde (SERGAS).
Apaixonada tanto pola ciencia como pola literatura, no seu primeiro libro de literatura infantil, Adrán e a fábrica de xeo, consegue entrelazar ambas áreas do coñecemento. Esta obra foi recoñecida co XVII Premio de Literatura Infantil e Xuvenil “Pura e Dora Vázquez” no ano 2020.
Dende nova cultiva tamén a poesía, ámbito no que foi distinguida coa mención de honra na XXVIII Edición do Certame Manuel Oreste Rodríguez López no ano 2023 pola súa colección de poemas Lethoeus.
A súa traxectoria destaca pola fusión entre a sensibilidade literaria e o rigor científico, ofrecendo unha mirada creativa e comprometida dende ambos mundos.
MEDULIA, editorial galega, privada e independente.
meduliaeditorial.es by 15114.net © 2025 – Tódolos dereitos reservados
