Carmen Montero de Angulo naceu en Vigo no ano 1946. Ao longo da súa vida destacou pola súa paixón pola música, á que dedicou boa parte da súa traxectoria profesional. Foi profesora no Conservatorio Superior de Vigo e desenvolveu unha activa carreira como pianista, tanto en actuacións en solitario como acompañando a solistas e diversas agrupacións musicais.
Durante a pandemia, descubriu unha nova faceta creativa: a escritura. Esta vocación literaria, que permanecera oculta ata entón, levouna a publicar o seu primeiro libro, unha colección de relatos baseados nas súas propias experiencias vitais.
