Javier Guitián é catedrático de botánica da Universidade de Santiago, agora xubilado, a que se incorporou en 1990 procedente da Universidade de Oviedo. É autor de máis dun centenar de publicacións científicas e libros sobre bioloxía de plantas. Boa parte da súa traxectoria está vinculada ao Courel, onde realizou a súa tese de doutoramento e foi promotor e director da Estación Científica da USC alí situada.  Da súa amizade con Uxío Novoneyra xurdiu o pequeno libro “A Flora dos Eidos” (Ezaro Ed. 2014) que percorre a riqueza vexetal da Serra do Courel a través da obra poética e o coñecemento naturalista do escritor galego.

Como divulgador publicou distintas guías de espazos naturais (O Courel, A Ribeira Sacra, Fragas do Eume), artigos en diferentes revistas de natureza e leva máis de 20 anos colaborando con La Voz de Galicia, na súa columna “En Ocasiones veo Grelos” sobre diferentes temas.