Mª Aurora Lestón Mayo naceu na ría de Muros e Noia, aos pés da Pedra do Cadro, lugar lendario desde onde —disque— se vían as torres da catedral de Santiago ata que un raio partiu a pedra ao medio. Dende pequena, cultivou unha imaxinación fértil, coa cabeza nas nubes e o nariz sempre metido nos libros.
Na súa mocidade trasladouse a Santiago de Compostela para continuar os seus estudos, onde descubriu o fascinante universo das bibliotecas e librarías. Daquelas horas vividas na Biblioteca Xeral e na Facultade de Filoloxía xurdiu un pensamento poboado de contos e referencias literarias, aínda que, segundo confesa, algo escaso de información práctica.
Na actualidade reside na mesma bisbarra compostelá. É facilmente recoñecible polo seu aire distraído e por non lembrar nomes, aínda que si coñece ao detalle a localización de todos os canzorros con forma de dragón que decoran a cidade de Santiago.
MEDULIA, editorial galega, privada e independente.
meduliaeditorial.es by 15114.net © 2025 – Tódolos dereitos reservados
