Severino Fernández Abel (Arzúa, 1957) é licenciado en Xeografía pola Facultade de Xeografía e Historia da USC, título que acadou en 1982 tras compaxinar estudos e traballo. Aínda que nado en Arzúa, medrou no concello de Boqueixón, lugar ao que segue moi vencellado.
Exerceu como profesor de Xeografía e Historia en diversos centros privados e institutos galegos, onde tamén ocupou cargos de dirección. Participou en numerosos coloquios e congresos da súa área, sempre con especial interese pola Comunicación. Desde 1994 integrou un colectivo de profesores que, en 1999, publicou o Proxecto Curricular e Unidades Didácticas de CC.SS., Xeografía e Historia para ESO.
Forte impulsor da memoria e da identidade local, desenvolveu unha ampla labor de recollida de datos xeográficos e históricos arredor de Boqueixón, que cristalizou na publicación de varios traballos. Destacan O sistema foral en Galicia. Documentos e textos (2006), baseado na práctica docente, e Unha matanza esquecida. Gastrar e Vigo (Boqueixón). Historia dun escarnio durante a Primeira Guerra Carlista (2018), unha investigación a partir dun conto popular da zona.
MEDULIA, editorial galega, privada e independente.
meduliaeditorial.es by 15114.net © 2025 – Tódolos dereitos reservados
