Valentina Marta Rodríguez (Montevideo, 1985) é tradutora, intérprete xurada e doutora en Tradución e Interpretación pola Universidade de Vigo, onde tamén exerce como profesora asociada. Compaxina a docencia coa investigación e co exercicio profesional como tradutora autónoma, especializada no ámbito da medicina. É autora de numerosos artigos e relatorios sobre tradución médica, consolidándose como unha referencia neste eido.
A súa traxectoria académica e profesional foi recoñecida en xullo de 2024 coa condecoración de excelencia da comunidade Alumni-UVigo no ámbito das Humanidades. Xa desde moi nova destacou no ámbito literario: en 2002 obtivo o terceiro premio de relato curto no certame Entre nós, en galego, organizado polo Servizo de Normalización Lingüística da Xunta de Galicia, así como o segundo premio de relato no I Certame Literario Don Diego Sarmiento de Acuña. En 2003 foi galardoada co primeiro premio de poesía na segunda edición deste último certame, no que máis adiante tamén participou como membro do xurado en varias ocasións.
MEDULIA, editorial galega, privada e independente.
meduliaeditorial.es by 15114.net © 2025 – Tódolos dereitos reservados
