Este libro recolle unha serie de traballos publicados durante tres anos no suplemento de La Voz de la Escuela (La Voz de Galicia) que nos permite coñecer a un grupo importantísimo de escritores que están entre os mellores dos séculos XIX e XX. Con eles, a Literatura, con maiúscula, fíxose máis grande, importante e trascendente. Cada un no seu momento, co seu estilo e a súa maneira de entender a creación literaria, logrou algunhas das obras máis importantes da Literatura Universal. Tan só por iso, o libro ten unha importante dose de información, imprescindible para quen queira coñecer as grandes figuras da literatura moderna e contemporánea. Serviu para o mundo escolar, pero tamén para toda persoa adulta que queira coñecer de cerca a estes grandes mestres. Ademáis, nel van encontrar unha serie de anécdotas e determinados sucesos íntimos das vidas destes escritores que, á larga, resultarán determinantes para a súa dedicación á literatura e mesmo para explicar algunhas das notas máis destacadas das súas obras literarias.