A poesía intenta habitar a realidade que contextualiza a vida de colectivos marxinais e persoas golpeadas pola vida.

Unha inmigrante ilegal paga con sexo unha cama quente nun piso de Madrid. Uns vagabundos xúntanse para beber ao carón da praza de abastos en Lugo. Un home está desolado pola perda da muller amada.

Na cidade, na urbe adorada, no cemento deus. Onde están dispoñibles todos os servizos, todas as facilidades. “Western Union, su primer envío sin comisión. Puede hacerlo on line con tarjeta de crédito” .

A salvo das bombas que caen sobre Gaza.

Neste idilio occidental, os poemas, coa axuda dun fío condutor, levan o lector ata o desenlace.

E cada novo día comeza unha quenda de traballo no primeiro mundo.