Tanto afectou o Brexit ao tránsito das almas? Cal foi a contribución galega á tecnoloxía no século XX? É posible conservar a fermosura retando ao tempo? Hai constancia de superheroes civís no universo relixioso á marxe dos santos? Que experimentos fílmicos non revelados ocorreron nos cinemas populares? Estivo ausente a masonería durante a ditadura? Que foi da conflagración galega contra a Armada americana? É licito o uso da santería no seguimento dos eventos deportivos?

N’ O fío do alén analízanse aspectos oblicuos da realidade situando o lector do outro lado da alfándega, unha áspera fronteira na que se acudirá á implosión do fenómeno xacobeo, ao ocaso da fe dos crentes por mor dunha revisión teolóxica e ao cataclismo cultural ao se xeneralizar as tendencias da clausura e a cancelación.