A vida é multicolor. A convivencia non deixa de ser polícroma. Marabillosa, a variedade de cores! Mais estamos tan obsesionados en procurarmos a igualdade que, con frecuencia, non reparamos na fermosura da diversidade. Nin sequera na súa utilidade. Ou damos en trabucarmos as cores. E o daltonismo vital faise perigoso, para quen o padece e para quen anda ao redor. Nomeadamente, cando se ignora que se padece. Porque chega a provocar caídas incontrolables e encadeadas.