O título Poemas guardados evoca as palabras de Lino Braxe expresadas en resposta a cuestións relativas a edición dos seus libros, na entrevista publicada no Correo Gallego o 16 de agosto de 2005.

A presente edición bilingüe rescata El Deshielo escrito en castellano para a súa publicación en La Habana no ano 2008 e posteriormente traducido a galego polo autor, e recompila os poemas de Italia e Buenos Aires escritos orixinariamente en lingua vernácula. A versión en lingua española de A lámpada do xenio, Poema e Terceto habaneiro para Hemingway dos poemas de Cuba, así como os textos que integran A rosa branca, A agonía da cruz de ferro e No corazón da tristeza, corresponden á editora literaria.” A.F.O.