Biografía

Fátima Martínez Gómez é unha autora debutante natural de Pontevedra, licenciada en Historia coa especialización en Arqueoloxía e Patrimonio. Actualmente traballa como divulgadora cultural, unha labor que considera fundamental para transmitir historias de maneira atractiva e accesible: “Quen nos dedicamos á divulgación temos que transmitir unha historia da mellor forma posible e ten que enganchar. Así que as palabras teñen que estar ben escollidas”. Ademais, a súa paixón pola lectura desde sempre xogou un papel crucial na concepción da súa primeira novela.

O seu primeiro libro, Villapalabra, inaugura a nova colección de narrativa xuvenil da editorial coruñesa Medulia. Trátase dunha novela fantástica de aventuras ambientada nun mundo onde as palabras cobran vida, interactúan e mesmo toman parte nun misterio por resolver. Entre as protagonistas destacan personaxes como Pimienta, Clarividencia, Aurora, Zueco e Léxico, elixidas por Fátima polos seus nomes evocadores, o son que lle inspiraban e a súa diversidade de significados e xéneros. Con esta obra, non só establece as bases para futuros proxectos literarios, senón que tamén quere implicarse no ámbito educativo: ten previsto contactar coas escolas de Primaria no inicio do próximo curso para propoñer actividades literarias baseadas na súa novela, vinculadas coa asignatura de Lingua Castelá e Literatura.