Paulo Fernandes Miras naceu en Ordes e realizou os seus estudos superiores na cidade da Coruña, onde se graduou en Inglés, Galego e Portugués, e cursou os mestrados en Literatura, Cultura e Diversidade, así como en Profesorado de Educación Secundaria Obrigatoria, Formación Profesional e Ensino de Idiomas. Actualmente está a realizar o Doutoramento en Estudos Literarios tamén na Universidade da Coruña.
É autor e editor de diversos traballos vinculados á literatura galega e lusófona, destacando as antoloxías poéticas de Ricardo Carvalho Calero (2019) e Ernesto Guerra da Cal (2021), ambas publicadas por Através Editora; así como a biografía de Carvalho Calero (Ir Indo, 2020) e o libro de poemas Estado Demente Comrazão (Através Editora, 2022).
Exerce como profesor de Lingua e Literatura Galegas e Portugués, é investigador do grupo ILLA da Universidade da Coruña, Académico Numerario da Academia Galega da Língua Portuguesa, membro da União de Escritores de Língua Portuguesa e integrante do equipo editorial da Através Editora.
MEDULIA, editorial galega, privada e independente.
meduliaeditorial.es by 15114.net © 2025 – Tódolos dereitos reservados
